જાણીતા તેલુગુ ફિલ્મ અભિનેતા જયપ્રકાશ રેડ્ડીનું હૃદયરોગના હુમલાથી નિધન

Entertainment
  • (હમલોગ.ન્યૂઝ દ્વારા)

જાણીતા તેલુગુ ફિલ્મ અભિનેતા જયપ્રકાશ રેડ્ડી (74) નું હાર્ટ એટેકથી નિધન થયું હતું. તે આંધ્રપ્રદેશના ગુંટુરમાં હતા. જયપ્રકાશ તેની કોમેડી ભૂમિકા માટે જાણીતા હતા તેઓએ  કારકિર્દીની શરૂઆત ફિલ્મ ‘બ્રહ્મપુત્રુદુ’ થી કરી હતી.

જયપ્રકાશે ઘણી ફિલ્મોમાં અભિનય કર્યો હતો જેમાં પ્રેમિંચુકુંડમ રા, જયમ મંદેરા, સમરસિંહા રેડ્ડી, ચેન્નઇકેશવરેડ્ડી, છત્રપતિ, ગબરસિંગ, સીતય્યા, નાયક, રેસુગુરરામ, મનમ, ટેમ્પર હતા.

પૂર્વ મુખ્યમંત્રી ચંદ્રબાબુ નાયડુએ જયપ્રકાશના નિધન પર શોક વ્યક્ત કર્યો છે. તેમણે લખ્યું, ‘તેલુગુ સિનેમા અને થિયેટરએ જયપ્રકાશ રેડ્ડીના રૂપમાં હીરો ગુમાવ્યાં. ઘણા દાયકાઓ સુધી તેમણે વિવિધ યાદગાર પાત્રો ભજવ્યાં. હું તેના પરિવાર અને મિત્રો પ્રત્યે દુઃખ વ્યક્ત કરું છું.’